Во светот секој ден се консумираат околу две милијарди шолји кафе, а талогот од кафето често завршува во кантите, мијалниците или депониите. Токму затоа двајца претприемачи од Хелсинки добиле идеја како да го искористат талогот на најдобар начин и со тоа креирале патики од талог од кафе.
Како што наведуваат претприемачите, со оглед на тоа што се загрижени поради влијанието на индустријата врз околината, а не можеле да најдат патики кои воедно се и удобни, модерни и во склад со природата – направиле свои од талог од кафе.
Нивната компанија комбинира ткаенини направени од талог, рециклиран пластичен отпад и вистински материјали, доволно лесни и отпорни да можат да се носат како обувки.
Ground breaking.
— World Economic Forum (@wef) July 16, 2019
📕 Read more: https://t.co/eWHJ5V92rD pic.twitter.com/f2SwzLSuEJ
Еден пар патики тежи 460 грама, од кои 300 грама ги сочинува токму кафето. Во секој пар патики, како што се наведува, има пластика која е еквивалентна на шест употребени пластични шишиња.
Едно од природните својства на талогот од кафе е што успешно ги елиминира непријатните мириси, па тоа воедно е добра вест за секој кој има проблем со непријатниот мирис на стапалата.
Овие патики не се единствениот случај на користење на отпадоци од храна во производство на облека и обувки, а зголемениот интерес за одржливоста во модата довел до користење на различни состојки од остатоците од човековата исхрана.
На купувачите им е овозможена приликата да “носат” на себе и овошје и алги, но не како принт на модните парчиња, туку како составни елементи од облеката.