Шефицата на европската дипломатија, Федерика Могерини изјави дека прашањето за проширувањето на ЕУ на Западен Балкан е прашање на помирување и обединување на европскиот континент.
Говорејќи за примената на Глобалната ЕУ стратегија, пред Европскиот парламент Могерини оцени дека приближувањето на земјите од Западен Балкан е инвестиција во европската безбедност, стабилноста и просперитетот.
