Во шпанскиот град Памплона со традиционален огномет почна славниот фестивал чија главна атракција е 850 метри долгата трка со бикови по градските улици.
AP пренесува дека официјалниот градски плех оркестар, кој слави 100 години постоење, е избран оваа година да ја лансира ракетата со огномет, позната по името "Chupinaso".
Фестивалот е отворен со повик "Да живее свети Фермин", светецот на кој ова 10-дневно лудување му е посветено, а по што насобраните, облечени во бело, тргаат во меѓусебно прскање со вино.
AP потсетува дека американскиот писател Ернест Хемингвеј ја овековечил оваа забава, која секоја година привлекува околу милион посетители.
