Во Мексико се случила стравична несреќа во која фудбалерот на шпанската Севиља усмртил тазе венчан брачен пар, а сега се појави и морничава снимка од самиот судар.
Жоао Малек, млад мексикански фудбалер кој игра за Севиља Б во неделата наутро предизвикал сообраќајна несреќа во Гвадалахара во која животот го изгубија двајца луѓе. Малек и неговиот совозач завршиле во болница, а причина за несреќата е неприлагодена брзина.
Како што јавуваат мексиканските медиуми, Жоао Малек предизвикал сообраќајка во која смртно настрадале Алехандро Кастро и Марија Пења.
“Воопшто не кочел, толку брзо возел што ги отфрлил 10-15 метри”, раскажал роднина на настраданите.
Предупредување! Вознемирувачко видео:
Медиумите пишуваат дека фудбалерот на Севиља возел во видно алкохолизирана состојба, но сè уште нема официјална потврда за тоа бидејќи бил подложен на алкотест по доаѓањето во болница.
