Две американски летала биле забележани во близина на рускиот полуостров Крим, а станува збор за дронот "Global Hawk" и противбродскиот авион P-8A Poseidon, пренесува порталот "Plane Radar".
Како што се наведува, дронот уште утрово полетал од НАТО базата Сигонела во Италија, го прелетал воздушниот простор на Бугарија во 11:25 часот по локално време, и пристапил на мисијата за набљудување на линијата на разграничување во Донбас.
Порталот исто така тврди и дека дронот ја надлетувал територијата три и пол часа, а потоа полетал кон рускиот брег на Црното море.
Истовремено, во предвечерните часови противбродскиот авион на американската војка P-8A полетал од базата Сигонела. Меѓутоа, тој веднаш се упатил кон јужните граници на Крим и летал на висина од околу 8 километри при брзина од 792,5 километри на час.
Во еден момент, како што пренесуваат руските медиуми, овој авион се нашол на оддалеченост од 32 километри од брегот на Севастопољ.