„Pipistrel Alpha Electro“ е електричен авион кој може да прелета 160 километри, а сето тоа чини само пет долари.
Станува збор за првиот ултралесен авион со електричен мотор од сериско производство, чиј прототип се појавил уште во 2016-та година. Тежок е 300 килограми, вклучувајќи батерија од 100 килограми, а овозможува едноставен лет за двајца патници. Со едно полнење на батеријата, кое трае еден час, може да прелета 160 километри.
Авионот чини 140.000 долари, а го движи електрична моторна сила од 60 kW.
Досега се произведени вкупно 40 авиони за купци ширум Европа, САД и Австралија, а моментално воглавно се користи за часови по летање над аеродромите.
.@pipistrelEU Alpha Electro, seryjnie produkowany ultralekki elektryczny, do pasa startowego. Może lecieć przez godzinę na trasie 160km, na wysokości 3km. Ładowanie baterii trwa godzinę @BIPolska @FortumPolska pic.twitter.com/F72V6RMV5x
— Marcin Walków (@marcinwalkow) June 12, 2019
Клучниот проблем на ваквите авиони е недостатокот на инфраструктура за полнење на аеродромите.
Произведувачот тврди дека авионот подобро функционира за време на ноќта, бидејќи шансите за турбуленција се помали. Исто така, перформансите се подобри кога има само еден патник.
Првиот електричен патнички авион ќе го видиме за 50-на години, а помали авиони кои ќе можат да пренесуваат до четири патници, ќе се појават и порано.