Германската канцеларка Ангела Меркел изгледала како да не ѝ е добро и се тресела додека денес во Берлин го дочекувала украинскиот претседател Владимир Зеленски.
Меркел стоела покрај Зеленски на сонцето додека воен бенд ги свирел химните на Германија и Украина, кога почнала да се тресе.
Меѓутоа, како што наведува "AP", по интонирањето на химната, Меркел делувала подобро, а потоа брзо минала по црвениот тепих со Зеленски и влегла во зградата во која се наоѓа нејзината канцеларија.
German Chancellor Angela Merkel says she is "very well" again after drinking three glasses of water.
— DW Politics (@dw_politics) June 18, 2019
Earlier Merkel was visibly shaking as she greeted Ukrainian President Volodymyr Zelenskiy at temperatures of around 30 degrees celsius in Berlin. pic.twitter.com/uWhnW0scD7
Пред влегувањето застанала да се поздрави со воениот бенд. Канцеларката на прес конференција рекла дека се чувствува добро.
"Од тогаш испив барем три чаши вода, кои очигледно ми беа потребени и сега сум многу добро", рекла Меркел.
Таа, еден час по состанокот со Зеленски, на заедничка прес конференција рекла дека разговарале за билатерални прашања и за мировниот договор од Минск.
Германската канцеларка полни 65 години наредниот месец, а не е познато дека има било какви здравствени проблеми.
