Лејди Гага повторно успеа да ги шокира своите обожаватели. Таа во текот на нејзиниот настап во Лас Вегас, страсно го бакнала трубачот од бендот со што повторно привлече внимание и лавина коментари.
Пејачката цело време го држела за рака и нежно му ја пеела песната „Darling Kiss Me“.
„Ова не е ништо посебно. Гага е изведувач и тоа беше испланирано и безопасно. Тоа едноставно е дел од нејзиниот настап. Таа и Брајан се знаат повеќе години и многу добри пријатели се“ - изјавил некој од пријателите на Гага за американските медиуми.
И додека нејзините фанови коментират како нивната омилена пејачка конечно нашла “нормално“ момче, другите луѓе сметаат дека сето ова е шоу.
„Оваа жена ќе направи сè само за да биде центрар на вниманието. Не е доволно што уништи една љубовна врска, сега се обидува да “украде“ оженет маж“ - некои од коментарите под видеото.
Пред четири месеци Лејди Гага ја раскина веридбата со музичкиот менаџер Кристијан Карин (50), а нејзините фанови веднаш почнаа да нагаѓаат дека можеби причината за тоа е американскиот актер Бредли Купер (44).