Американската вселенска агенција НАСА, воочила необичен облик на површината на Марс кој потсетува на логото од познатата телевизиска серија „Ѕвездени патеки“.
Иако тие интересни облици изгледаат како навистина да се втиснати на површината на Марс, НАСА вели дека нив “не ги втиснала Ѕвездената флота“ туку дека е чиста случајност во прашање.
Како што пренесуваат од „Independent“, фотографијата која ја направила камерата на НАСА, HiRISE, прикажува природен феномен кој укажува на тоа како Марс се развивал во текот на својата историја.
🖖 Dunes, lava and wind are responsible for this curious shape on Hellas Planitia, Mars. Boldly go: https://t.co/JSLObpMq2E
— NASA JPL (@NASAJPL) June 14, 2019
📸: @HiRISE pic.twitter.com/yktAFM8MOy
Во далечното минато, на Марс се наоѓале огромни дини кои се движеле на неговата површина. Доаѓало и до чести ерупции поради тоа што и лавата се движела околу дините, но не достигнувала до нивниот врв.
Затоа, кога лавата станала цврста, дините почнале да личат на своевидни острови околу кои се наоѓало многу песок.
Целиот процес оставил специфичен површински релјеф на Црвената планета поради што денес можно е да се видат разни облици кои потсетуваат на втиснати симболи или знаци.