Пожарот кој избувна пред околу еден час во една од кулите во скопската населба Карпош 4 е изгаснат. Во пожарот изгоре стан на најгорниот 17-ти кат, а лицето кое живеело во него е пренесено во болница.
Според информациите од терен, станарот е пренесен на Токсикологија поради вдишување чад.
Полицијата засега нема информација која е причината за пожарот. Повеќе детали се очекуваат подоцна, во текот на денот.
