Британската премиерка ќе ја напушти функцијата на 7-ми јуни. Таа штотуку го соопшти тоа во обраќањето пред познатиот број 10 во Даутинг стрит, во Лондон.
Таа изрази длабоко жалење поради тоа што не успеа да ја извади земјата од ЕУ. Меј изјави дека таа работа му останува на нејзиниот наследник, кој ќе мора да пронајде консензус во парламентот.
„Тоа е возможно само ако сите страни сакаат компромис“, рекла Меј. Таа додала и дека е горда на напредокот кој е остварен во изминатите три години.
Theresa May to quit as Conservative leader on 7 June, paving way for contest to decide new UK prime minister https://t.co/ecGT8c1zqF
— BBC Breaking News (@BBCBreaking) May 24, 2019
Британската премиерка низ солзи на крајот од говорот истакна дека е горда на сè што нејзината земја постигнла.
„Нашата политика можеби е под притисок, но има толку многу добри работи во оваа земја, толку многу нешта на кои сме горди“, вели Меј.
Оваа одлука веќе долго е очекувана, и ќе покрене „трка“ за нов лидер, кој веројатно ќе инсистира на поодлучен договор за Брегзит.
После речиси три години низ премиерскиот мандат, Меј имала состанок со моќната Конзервативна група „Komitet 1922“, која, како што наведува Ројтерс, има моќ да постави или да отстрани премиер.
Меј ќе остане на функција за време на внатрепартиските избори на Конзервативната партија, кои траат околу шест недели.
Изборната трка на конзервативците веројатно ќе почне на 10-ти јуни, после посетата на Велика Британија од претседателот на САД, Доналд Трамп.
