Иранскиот претседател Хасан Рохани изјави дека Техеран нема да попушти под притисокот на САД и дека нема да се откаже од своите цели, дури и ако државата биде бомбардирана.
Рохани го порача тоа за време на неговото обраќање на церемонијата одржана во знак на сеќавање на иранско-ирачката војна во 80-тите години од минатиот век.
„Мораме да пружиме отпор и нашите непријатели треба да знаат дека и кога ќе ја бомбардираат нашата земја, и кога ќе ги убиваат нашите деца, ќе ги рануваат и апсат, ние нема да се откажеме од нашите цели, од независноста на нашата земја и нашата гордост“, изјави ирачкиот претседател Хасан Рохани.
Тензиите помеѓу Иран и САД секојдневно се зголемуваат, а врховниот лидер на Иран, ајатолах Али Хамнеи ги критикуваше претседателот Хасан Рохани и шефот на иранската дипломатија, Мохамед Џавад Зариф дека не го спровеле договорот за нуклеарната програма како што тој сакал.
Iranian President Rouhani says Tehran will not surrender to American pressure and will not give up on its goals even if it is bombed, as tension rises between the Islamic Republic and the US.https://t.co/VPyUlhYQ8W
— Al Arabiya English (@AlArabiya_Eng) May 23, 2019
Како што пренесува „АП“, ова е прв пат Хамнеи јавно да ги критикува државните функционери додека траат тензиите во односите помеѓу Вашингтон и Техеран.
Инаку, Хамнеи го има последниот збор во носењето на одлуките, а неговите изјави укажуваат и на внатрешниот притисок со кој Рохани и Зариф се соочуваат додека очигледно во земјата владее страв од судир со САД.