Шефот на Рејсинг Поинт, Отмар Шафнауер, изјави дека е невозможно да се предвидува трката во Монако се додека болидите не се појават на патеката и не ги покажат перформанси.
Екипата во минатото имала позитивни моменти на трката низ Кнежевството, во 2010 година прв пат освоија поени со двата болиди на иста трка, а во 2016 година, Серхио Перез им донесе подиум. Отмар се надева дека Чеко и Ленс Строл ќе се борат за поени и викендов за да го засилат бодовното салдо кое во моментов е 17 поени по првите пет трки од сезоната.
„ОДАМНА НАУЧИВ ДЕКА ВО МОНАКО НИШТО НЕ МОЖЕ ДА СЕ ПРЕДВИДИ. ОВАА ПАТЕКА Е КАКО НИКОЈА ДРУГА ОД КАЛЕНДАРОТ И ПОРАДИ ТОА НЕ ОЧЕКУВАМ НИШТО СЕ ДОДЕКА НЕ СЕ ПОЈАВИМЕ НА ПАТЕКАТА И НЕ ГИ ВИДИМЕ ПЕРФОРМАНСИТЕ НА СИТЕ.
САКАМЕ ДА СЕ БОРИМЕ ЗА ПОЕНИ ВО НЕДЕЛА И МИСЛАМ ДЕКА ИМАМЕ ШАНСА ЗА ТОА. КАКО ЕКИПА ИМАМЕ СИЛНИ РЕЗУЛТАТИ ТРАДИЦИОНАЛНО ВО МОНАКО ПРЕТХОДНИТЕ ГОДИНИ И ЗНАЕМЕ КОЛКУ Е ВАЖНО ДА СМЕ ПРОАКТИВНИ И ФЛЕКСИБИЛНИ СО СТРАТЕГИЈАТА“, НАЈАВИ ШАФНАУЕР.
