Австралискиот тенисер Ник Кирјос е дисквалификуван од Мастерсот во Рим, откако на мечот против Каспер Руд направи хаос на теренот.
Контроверзниот Австралијанец дивеел на теренот и фрлал сè што му се нашло при рака – шутирал шишиња, столчиња, се расправал со судијата, а на крајот ги спакувал работите и излегол од теренот.
Федерер на интересен начин го прокоментирал дисквалификувањето на Кирјос:
“Лично, мислам дека не треба да биде суспендиран. Што направи, ја повреди столицата? Го напушти теренот? Мислам дека тоа не е доволно... Не знам дали и понатаму е на условно после она што се случи во Шангај. Ако е, тогаш можеби ќе треба да се истражи. Ако не, тогаш мислам дека не треба да се суспендира. Нула бодови, казна, сето тоа е доволно. Тој знае дека погрешил”, заклучил тенисерот.
"I think a zero pointer. A fine. All this stuff is already tough enough. He knows it's a mistake..."@RogerFederer gives his thoughts on @NickKyrgios' on-court outburst in Rome.#IBI19 pic.twitter.com/AXpds5MiJl
— Tennis Channel (@TennisChannel) May 17, 2019
За потсетување, Австралијанецот поради дивјачкото однесување ќе биде казнет со одземање на хонорарот кој го заработил со учеството на турнирот, со одземање на бодовите кои ги освоил и ќе мора да плати 20 илјади евра.
Тенискиот свет останал шокиран по изјавата на Роџер Федерер кој бил прилично “благ” кон Кирјос. Повеќето колеги го осудиле срамното однесување на контроверзниот тенисер и сметаат дека треба да биде суспендиран. Норвежанецот Каспер Руд вели дека заслужил минимум половина година забрана за играње тенис.