Кога е време да појдете на доктор?

Ракот на грлото е еден од најнепријатните тумори затоа што тешко се открива, а и кога ќе се дијагностицира тогаш болеста веќе е во напредна фаза.
Овој вид на рак е најчест во Велика Британија, а јасните симптоми ги дава дури тогаш кога ќе дојде до проширување на болеста на другите органи, најчесто белите дробови.

Најновите истражувања предупредуваат дека можеби сте во ризик од развивање на ракот на грлото доколку сте забележале некакви промени во вашиот глас, пренесуваат од медицинскиот сајт Very Well Health.

Засипнатиот глас не мора да значи дека имате рак на грлото. Сепак доколку сте засипнати подолго од три недели, најдобро е да појдете на доктор.

Туморот на грлото може да влијае и на јачината на вашиот глас. Во раниот стадиум обично не дава никакви симптоми, но и доколку има симптоми, можат да се помешаат со состојби на некои полесни заболувања.

Ракот на грлото може да се препознае и доколку при изговарање на некои зборови вложувате голем напор.