Вчеравечер во њујоршкиот музеј Метрополитeн беше одржана познатата Мет Гала.
Темата на овогодишниот настан гласела “Кeмп: Записи за модата” и е инспирирана од есејот на Сузан Сонтаг од 1964 година, кој го носи насловот “Notes on Camp”. Имено, зборот “Camp” се дефинира како љубов кон неприродното, како уметност и претерување.
А како тоа изгледа во пракса, вчеравечер докажале бројни славни дами кои се потрудиле да ја следат темата, додека и оваа, како и секоја година, имало и дами кои се дотерале како за обичен црвен тепих.
Ние сепак одлучивме да ги изоставиме и денеска да ви ги претставиме најекстравагантните изданија од најлудиот црвен тепих во годината:
Пејачката направила вистинско шоу на црвениот тепих на кој се појавила во волуменозен розов фустан со потпис на Брендон Максвел и потоа започнала да се соблекува...
Од розов се пресоблекла во црн фустан со пелерина, а потоа повторно во розов, потесен модел. Но, тоа не било крајот на нејзиното соблекување.
Лејди Гага на црвениот тепих останала во долна облека и чизми и со себе влечела розова количка со шишиња вино, лак за коса и проѕирни чантички.
Славните сестри модно се усогласиле во Версаче фустани со перја.
Кендал носела портокалов фустан со драматични пердувести ракави, додека Кајли го усогласила својот полупроѕирен виолетов фустан и со бојата на косата.
Славната пејачка буквално заблескала во сребрен фустан со реси кој го надополнила со шешир од перја, а за нејзиниот изглед е заслужна модната куќа Оскар де ла Рента.
Популарната раперка носела бордо креација со потпис на дизајнерот Том Брауни долга три метри и со пердувести детали.
Пејачката се претворила во лустер во екстравагантната креација на модната куќа Мошино.
Сијара наликувала на Дијана Рос од нејзината диско ера, како со фризурата, така и со светкавиот зелен фустан на брендот Дундас.
Актерката привлекувала внимание со шарената Версаче креација во боите на виножитото, но и со одважната фризура и шминка.
Славната манекенка се инспирирала од пејачката Шер, а носела креација со потпис на модната куќа Дундас.
Џеј Ло заблескала во издание на Версаче со сребрени реси.
Славната старлета носела фустан на Тиери Маглер во кој изгледала како да е мокра, додека Канје се облекол како нејзин телохранител.
Манекенката изгледала како сребрена статуа во издание со потпис на Мајкл Корс.
Помладата сестра Хадид носела лелеав црн Мошино фустан со прорези и светкави украси.
Актерката и пејачката се претворила во Пепелашка во “магичниот” фустан на Томи Хилфигер
Убавата Индијка носела креација на Диор, а освен со аутфитот, таа привлекувала внимание и со необичната шминка.
Манекенката од глава до пети се облекла во шарени риги со потпис на модната куќа Диор, а слична била и нејзината шминка.
Најпознатиот плус сајз модел повеќе открила отколку што прикрила во креација во соработка со модните куќи Гучи и Дапер Ден.
Мајката на познатото семејство Кардашијан-Џенер носела креација со потпис на Томи Хилфигер и руса перика.