Серхио Перез од Рејсинг Поинт се надева дека тимот ќе има добар викенд во Азербејџан, а болидот ќе биде конкурентен.
Трката низ улиците на Баку е единствена последните три години каде возач надвор од топ 3 екипите дошол до подиум. Во 2016 година Чеко заврши на 3то место, а истиот успех го повтори и лани, така што мексиканецот сака и хет-трик на подиуми во Недела.
„БЕВ НА ПОДИУМ ВО БАКУ ВО ДВА НАВРАТИ НА ТРИТЕ ДОСЕГАШНИ ТРКИ И МИСЛАМ ДЕКА ПОДИУМОТ ЛАНИ БЕШЕ ПО ЕДНА ОД МОИТЕ НАЈДОБРИ ТРКИ. СЕ СЕЌАВАМ ДЕКА ДОЈДОВ ПРЕД ФЕРАРИТО НА ФЕТЕЛ И ГО ЗАДРЖАВ ЗАД МЕНЕ ПОСЛЕДНИТЕ КРУГОВИ ОД ТРКАТА. МОРАВ МНОГУ ДА СЕ КОНЦЕНТРИРАМ И ДА ИЗВОЗАМ НЕКОИ ОД НАЈДОБРИТЕ КРУГОВИ ВО МОЈОТ ЖИВОТ, СЕКОЈ КРУГ БЕШЕ КВАЛИФИКАЦИСКИ“, СЕ ПОТСЕТУВА ЧЕКО НА ЛАНСКАТА ТРКА.
Секако дека по два подиуми на три трки, Баку е омилена патека во годината за возачот покрај, секако, домашната во Мексико Сити.
„КРУГОТ Е МНОГУ БРЗ СО ОДЛИЧНИ МОЖНОСТИ ЗА ПРЕТЕКНУВАЊЕ И ТОА НОСИ МНОГУ ДРАМА. ГО САКАМ ТОЈ КРУГ ЗАТОА ШТО Е ВИСТИНСКИ ПРЕДИЗВИК ЗА НАС ВОЗАЧИТЕ ПОРАДИ ТОА ШТО МИНУВАМЕ МНОГУ БЛИСКУ ДО ЅИДОТ И МОРА ДА БИДЕМЕ МНОГУ ПРЕЦИЗНИ. УЛИЧНИТЕ ПАТЕКИ ГИ ТЕСТИРААТ ВОЗАЧИТЕ ДО МАКСИМУМ И ЈАС САКАМ ПОВЕЌЕ ТАКВИ ПАТЕКИ НА КАЛЕНДАРОТ.
ОД НЕКОЛКУ ПРИЧИНИ, КАРАКТЕРИСТИКИТЕ НА ПАТЕКАТА СЕКОГАШ ОДГОВАРААТ НА НАШИОТ БОЛИД. СЕ РАБОТИ ЗА ПАТЕКА КАДЕ ВИ ТРЕБА ДОБРА МАКСИМАЛНА БРЗИНА И ВЕРБА ВО СОПИРАЧКИТЕ“.
Тој очекува претстојниот викенд да е продоолжение со подобрувањата на перформансите откако немаше поени во Мелбурн, стигна до 10то место во Бахреин, а две позиции беше подобар во Кина.
„ОВАА ЕКИПА СЕКОГАШ БИЛА КОНКУРЕНТНА ВО БАКУ И СЕ НАДЕВАМ НА ИСТОТО И СЕЗОНАВА. БЕВ СРЕЌЕН СО НАШИТЕ ПЕРФОРМАНСИ ВО КИНА, ОСОБЕНО НА ТРКА ТАКА ШТО ТРЕБА ДА НАЈДЕМЕ СЛИЧЕН РИТАМ И ОВДЕКА“.
Во моментов тимот од Силверстон е на 8мо место во конкструкторскиот поредок, но тимот пред нив е на само 6 поени, така што и 4то место кое до лани редовно им припаѓаше е достижно.
