Снимен крвник од Шри Ланка: Бомбаш самоубиец со ранец прошетал низ градот, па влегол во црква

На снимката која настанала неколку секунди пред нападот се гледа како темнокос маж со голем ранец оди кон црква. 

Снимката се прекинува во моментот кога тој влегува во црквата.

Потсетуваме, во терористичките напади во таа земја загинале 310 лица, а околу 500 од нив се повредени. Настрадале во осум експлозии на Велигден според Грегоријанскиот календар - во три цркви и три луксузни хотели во престолнината, но и во една помала црква во предградието. Вчера се појавила и вест за девета експлозија, настаната при обид на специјалците да деактивираат бомба.

Денес во светот се појавила информација дека терористичкиот напад е чин на одмазда за нападот кој се случил на Нов Зеланд, кога на 15-ти март во градот Крајстчерч во две џамии биле убиени 50 луѓе.