Сопственикот на ASOS и најголем дански милијардер, Андерс Холч Повлсен, објавил дека три од четири негови деца биле убиени во терористичкиот напад на Шри Ланка за време на Велигден.
Повлсен е втор најголем приватен земјопоседник во Велика Британија и најголем акционер во ASOS.
Данскиот милијардер Андерс Холч Повлсен, сопствник на меѓународниот ланец на трговија со облека "Bestseler", е најголем акционер на британската он-лајн продавница ASOS и втор најголем акционер на германската он-лајн продавница Zalando.
Den danske miljardären Anders Holch Povlsen (värd 7,5 mld. USD) vill bygga väst Europas högsta skyskrapa (320 m) i den lilla orten Brande. Brande har endast 7000 invånare. Tanken är att skyskrapan ska bl.a. inhysa företagets huvudkontorhttps://t.co/8h4aUCCYQ7 pic.twitter.com/yLhIqwqd0I
— Långsiktig investerare 74 (@Petru1974) April 7, 2019
Веста за "BT" ја потврдил Џеспер Стубкиер, директор за комуникации во компанијата "Bestseler".
Сведокот по име Киеран Арасаратнам, во неделата за "BBC" рекол дека видел Данка која изгубила три деца во бомбашки напад на хотелот Шангри Ла.
"Кажа, "молете се за мене, молете се за мене"", рекол тој.
Арасаратнам подоцна на Фејсбук го напишал следното: "Данско семејство со три деца. Родителите преживеале. Децата изгледа им загинаа. Имам три деца и точно знам како се чувствуваат сега".
Една од ќерките на Повлсен, Алма Сторм Холч Повлсен, пред неколку дена на Инстаграм објавила фотографија од Шри Ланка.
Седум бомбаши самоубијци убиле најмалку 290 луѓе во координирани напади на цркви и хотели за Велигден.
Ниедна милитантна група не преземала одговорност за нападите, но полицијата од Шри Ланка вели дека биле предупредени за една непозната исламистичка група, неколку дена пред нападот.
