Тоше Илиевски, 30-годишното момче за кое медиумите изминатите неколку месеци повикуваа на донации, утрово почина.
Ова младо и несреќно момче боледуваше од Non - Hodgkin’s lymphoma или карцином на лимфните жлезди. Тој и самиот имаше испратено апел до јавноста за да му се помогне финансиски за лекување и лекови за тешката болест, со која на крајот сепак не успеа да се избори.
Денеска требаше да биде одржана целодневна хуманитарна забава за која повикавме на хуманост во понеделникот, а собраните средства ќе беа наменети за него.
Неговите пријатели, колеги и семејството се шокирани и тажни поради прерано заминатиот Тоше Илиевски.
