Ленин Морено додаде дека од Британија добил официјална потврда дека темелните права на Асанж ќе бидат испочитувани и дека нема да биде изречен некаде каде ќе го чека смртна казна. Британската полиција минатиот четврток го приведе Џулиан Асанж (47) откако Еквадор го укина неговиот политички азил со што заврши неговиот речиси 7 годишен престој во амбасадата на таа земја. 

Укинување на азил и обвиненија за сексуално насилство

Имено, ко-основачот на Викиликс, Асанж влезе во еквадорската амбасада во Лондон во 2012 година за да го избегне изрекувањето во Шведска поради обвиненијата за сексуално насилство за кои тврди дека биле дел од кампања против него.

Засега САД бара негово изрекување и тоа откако тамошното обвинителство во четвртокот објави дека е обвинет поради обид да пристапи на таен компјутер во нивната влада заедно со поранешната разузнавачка аналитичарка Челзи Менинг.

Укинувањето на азил се смета за контроверзно во Еквадор. Претходниот претседател Рафаел Кореа го обвини својот некогашен политички сојузник за злосторство кое човештвото нема никогаш да го заборави и го опиша како најголем предавник во историјата на Еквадор и Латинска Америка, пренесува Гардијан.

Центар за шпионирање

Викиликс е поврзан со кампањата која имала за цел да го ослаби политичкото влијание на Морено, односно со анонимна веб страница која тврдела дека братот на Морено покренал offshore компанија. Материјалите кои се наоѓале на страницата вклучувале и приватни фотографии на Морено и неговото семејство.

Еквадорскиот претседател негираше дека станува збор за одмазда кон Асанж поради документите кои протекоа за неговото семејство и додаде дека му е жал што Асанж ја користел амабасадата за да се меша во демократските процеси на другите земји.

"Многу е жалосно што на наша територија во еквадорската амбасада во Лондон, со дозвола на претходната влада, овозможени се услови за мешање во процесите на другите држави", рекол Морено.

"Не можеме да дозволиме нашиот дом, домот кој му ги отвори вратите на човекот кој беше во неволја да стане центар за шпионирање", вели Морено.

"Со ваквите активности се прекршуваат условите за азил. Нашата одлука не е арбитрирана, туку се темели на меѓународното право", додава тој.

Нема да биде изложен на измачување или смртна казна

Еквадорскиот претседател исто така нагласи дека добил официјална кауција дека животот на Асанж нема да биде загрозен.

"За нас најважно е правото на живот", рекол тој.

"Од таа причина ја консултиравме владата на Обединетото Кралство за можностите за изрекување на Асанж во трета земја во која би можел да биде изложен на измачување, злоставување или смртна казна. Обединетото Кралство ни даде напишана кауција дека нема да биде изречен во таква земја во која би поминал низ таков третман", додава тој.