Денеска е денот кога според распоредот утврден пред две години, Британија требаше да ја напушти Европската Унија.
29 март е важен момент во историјата на земјата и истовремено го славеа политичарите и избирачите кои се залагаа за брегзит и го оплакуваа оние кои сакаа да останат во ЕУ.
Планирани се раскошни забави за да се одбележи она што некои го нарекуваат „Ден на независноста“ во Велика Британија, пишува „Си-ен-ен“.
Меѓутоа, благодарение на неуспехот на премиеркара Тереза Меј да добие поддршка за својот договор во парламентот, денеска не е денот кога Британија ќе излезе од Унијата. Наместо тоа, покрај пропаднатото изгласување на нејзиниот договор во два наврати, како и по неможноста на парламентот да изгласа алтернативно решение, денес во Британија ќе биде еден од најхаотичните денови.
Во текот на денот пратениците во британскиот парламент ќе расправаат за продолжување на брегзитот кој го одобри ЕУ.
