Пристигна првиот трејлер за авантурата "Dora and The Lost City of Gold" на која веќе долго време чекаат најмалите, а која ја претставува извонредната приказна за најпознатата истражувачка Дора.
Дора веќе одамна е омилен лик во светот на цртаните филмови, а благодарејќи на продуцентската куќа Парамаунт сега пристигнува и како адаптација на игран филм.
Оваа семејна авантура ја режираше Џејмс Бобин, а на сценариото заедно работеле Крис Гифорд и Метју Робинсон.
"Дора ги води пријателите на авантура за да ги спаси своите родители и да ја реши тајната зад изгубениот град на златото", се наведува во описот на филмот.
Главната ѕвезда на овој филм е Изабела Монер, односно во улогата на Дора, а покрај неа улоги оствариле и Ева Лонгорија, Еухение Дербез, Мајкл Пена, Џефри Волберг и многу други.
"Dora and the Lost City of Gold" премиерно ќе биде прикажан на 2 август оваа година во САД, а потоа ќе оствари и светска кино дистрибуција.