Нејзиниот живот и кариера се инспирација за многу жени ширум светот бидејќи ги разбива стереотипите и покажува дека не мора да бидете млади за да бидете убави и фит. Овој француски модел открил дел од своите тајни за младешкиот изглед, вклучувајќи и листа на најдобри напитоци кои го спречуваат стареењето, го забрзуваат метаболизмот и ја одржуваат кожата млада. 

Топла вода со сок од лимон

Оваа смеса може да ви помогне доколку вашата цел е да изгубите тежина, бидејќи сокот од лимон има диуретски и прочистувачки својства. Со тоа, напитокот е идеален против надуеност и за отстранување на токсини од вашето тело.

Лимонот го чисти црниот дроб, ја регулира pH вредноста во дигестивниот систем, а мешањето со топла вода го прави идеален напиток за помош при дигестивни проблеми како што се гасови и подуеност.

Јаболков оцет

Некои студии покажуваат дека јаболковиот оцет може да помогне во лекување на неколку болести, од габични инфекции до дијабетес. Јаболковиот оцет помага во борба против непријатниот здив, желудочните киселини и дигестивните проблеми, а успешно ја чисти и помладува кожата и помага во губење на килограмите.

Чај од ѓумбир

Чајот од ѓумбир е вашиот најдобар избор за губење на вишокот килограми бидејќи е моќен диуретик. Ѓумбирот го забрзува метаболизмот и му дава енергија на телото, а исто така и ја намалува подуеноста и помага во борбата против желудочните киселини.