Денес во албанскиот главен град, на анти-владиниот протест дојде до нови судири помеѓу демонстрантите и полицијата.
Демонстрантите се обидоа да го пробијат полицискиот кордон, а кога беа спречени во тоа, тие ги нападнаа полицајците со шишиња и разни предмети.
Инаку, за прв пат на чело на овој опозициски протест не беше присутен лидерот на Демократската партија, Љуљзим Баша, па поранешниот премиер Сали Бериша беше дочекан со овации меѓу демонстрантите, кои што се фотографираа со него.
#travel #news : Albania opposition holds new rally, calls for early election https://t.co/DLM7kTYN1n
— Travel Academy (@TravelacademyIt) March 21, 2019
Ова е шести анти-владин протест пред парламентот кој се одвива во времето на одржувањето на пленарната седница, па полицијата поучена од претходните инциденти, овој пат се погрижи да не дојде до поголема ескалација. Пред зградата на парламентот беше поставена железна ограда, а исто така имаше и поголемо присуство на полицијата.
На претходниот протест, незадоволните претставници на опозицијата и граѓаните, се обидоа насилно да влезат во парламентот, напаѓајќи ги полицајците со разни предмети, по што полицијата беше приморана да реагира со употреба на солзавец и водени топови.
The crowd of anti-govt protesters currently outside the parliament in Albania’s capital, Tirana, are voicing their anger at police who are blocking them from getting closer to the building.
— Balkan Insight (@BalkanInsight) March 21, 2019
Demonstrators are demanding the resignation of PM Rama’s cabinet. pic.twitter.com/6FN3ks0rbL
Поради тоа, опозицијата поднесе кривична пријава против министерот за внатрешни работи на Албанија, поради наводна злоупотреба на службена должност и масовна употреба на солзавец против демонстрантите.
Инаку, албанската опозиција бара од премиерот Еди Рама да биде формирана преодна влада која ќе спроведе фер и демократски избори.