Сириските демократски сили го ослободиле последниот камп кој бил под контрола на џихадистите од ИСИС, во околината на Багуз, во близина на сириско-ирачката граница.
Багуз се смета за последно упориште на терористите на ИСИС, а иако е кампот ослободен, борбата уште не е готова.
Мал број на џихадисти уште се наоѓаат на брегот на Еуфрат. Борбите и натаму се одвиваат меѓу сириските сили, потпомогнати од САД, и џихадистите кои ги користат мештаните како човечки штитови.
Потсетуваме, минатите недели од Багуз биле евакуирани илјадници цивили, во главно жени и деца. Тие се сместени во неколку бегалски центри, а голем проблем прават жените на џихадистите кои останатите жени ги гаѓаат со камења, им ги палат шаторите или на друг начин ги провоцираат бидејќи ги сметаат за невернички.
