За жал, понекогаш е тешко да сфатите дека станува збор за контрола, а ако вашата врска ја препознаете во некоја од наредните потточки, таа дефинитвно нема никаква поврзаност со љубов.

1. Очекува секогаш да му се јавувате

Ако случајно го пропуштите неговиот повик, почнува да се сомнева и станува љубоморен, а ниедно објаснување не е доволно добро за да се отстрани неговиот сомнеж.

2. Отворено приговара кога одите некаде без него

Ова на некои жени им делува романтично, но реалноста сепак е малку поинаква. Мажите кои се опседнати со контролирање, едноставно не можат да ги поднесат дури ни најбаналните работи, на пример излегување на кафе со пријателките.

3. Неочекувано се појавува пред вас

Или пак, доколку живеете заедно знае неочекуванода дојде во станот, како да очекува дека ќе наиде на нешто што не треба. Постои разлика помеѓу романтични изненадувања и неконтролирана љубомора.

4.Очекува да му дозволите да ви ги чита пораките

А најчест аргумент му е „ако ништо не криеш, ќе ми дадеш да видам со кого се допишуваш“. Пораките се приватна работа, а ваквите мажи ќе пронајдат нешто сомнително дури и кога тоа не постои, само да можат да докажат дека се во право.