Наградите за најдобрите британски музичари “Brit Awards” беа доделени вчера во О2 Арената во Лондон, а ноќта ја одбележаа Келвин Харис и британската група “The 1975”.
Харис е прогласен за најдобар британски продуцент, а освен тоа добил и награда за британски сингл на годината за песната “One Kiss” во соработка со Дуа Липа.
Џорџ Езра добил награда за најдобар британски изведувач, а за британска изведувачка на годината е прогласена Џорџа Смит. Наградата за најдобра британска група ја освоија “The 1975”, додека “The Carters” е прогласен за најдобар меѓународен бенд.
Групата “The 1975” освои награда за најдобар британски албум, за албумот “A Brief History of Online Relationships”.
Дрејк е прогласен за најдобар машки меѓународен изведувач, додека оваа награда во женска категорија ја освои Аријана Гранде.
Спот на годината е “Woman Like Me” која ја изведува групата “Little Mix” со раперката Ники Минаж.
Наградата за критичар ја освои Сем Фендер, а наградата за глобален успех отишла во рацете на Ед Ширан.
Вечерта ја одбележал и настапот на американската пејачка Пинк на која ѝ е доделена награда за исклучителен музички придонес. “Brit Awards” како награди се доделуваат од 1977 година и се еквивалент на американските Греми награди, а ги доделува Британската фотографска асоцијација.
