Два алигатори со портокалова боја на кожата ја збуниле целата заедница во Јужна Каролина, пишува CNN.
Многумина се обиделе да дознаат зошто алигаторите во езерцето, кое се наоѓа во градот Блафтон, одеднаш попримиле портокалова боја. Некои луѓе мислат дека така ги обоиле навивачите на американскиот фудбалски клуб „Clemson Tigers“ или дека станува збор за некој чуден вид на албино алигатори.
Orange alligator takes neighborhood by surprise https://t.co/kyiETyIDUs pic.twitter.com/xUcHlBooAV
— WJCL News (@WJCLNews) February 12, 2019
'Рѓа во цевките
„Ништо од наведеното“, рекол Дејвид Лукас од Одделот за природни ресурси во Јужна Каролина. „Најверојатно се во таа боја поради 'рѓа во одводните цевки.“
„Алигаторите сакаат во зима да пронајдат место за хибернација“, објаснил тој. „Можно е некои од нив за време на зимата да завршат во близина на 'рѓосани цевки, а потоа да се извалкаат од неа.“
Пред две години, отприлика во истиот период, се појави уште еден портокалов алигатор во мало езеро во Чарлстон. Имено, езерата во овој период од годината се затоплуваат, па алигаторите се будат од состојба на хибернација.
Here is Friday's orange alligator pic.twitter.com/w8Ssbd7ZjO
— Ivan Kutyabalzov, esq. Yes/No (@IvanKutyabalzov) February 15, 2019
„Нормално, не гледаме портокалови алигатори секоја година, па тоа привлече внимание“, рекол Лукас.
Сигурна оддалеченост
Експертите ги предупредуваат фасцинираните граѓани да престојуваат на сигурна оддалеченост од тие влекачи, без разлика дали се портокалови или не.
„Алигаторите се предатори и тоа треба да се почитува“, рекол директорот на Одделот за екологија, на институтот Savannah River Ecology Laboratory (SREL).
„Алигаторите се фасцинантни суштества, но имајте на ум дека се работи за диви животни и дека треба да се почитуваат како такви“, додал тој. „Внимавајте од нив да сте оддалечени барем некои 20-тина метри.“