Соседните земји изразија сочувство поради тешката сообраќајна несреќа на патот Скопје-Тетово, во која животот го загубија 14 лица.
По несреќата, албанскиот премиер, Еди Рама изрази сочувство до семејствата на загинатите, а на повредените им посака побрзо закрепнување.
„Жал за трагедијата на автобусот во Северна Македонија, каде бројот на жртви и повредени вознемирија голем број смејства. Духовно сме покрај семејствата и пријателската земја“, напиша Рама „Твитер.
Бугарскиот премиер, Бојко Борисов, во пораката со сочувство изрази жалење на најблиските на загинатите и им посака брзо заздравување на повредените.
Пораки стигнаа и од лидерите на Косово. Сочувство изразија претседателот на Косово, Хашим Тачи и првиот парламентарец, Кадри Весели.
„Најдлабоко сочувство за семејствата на жртвите во сообраќајната несреќа на автопатот Скопје-Тетово, а на повредените им посакувам што поскоро оздравување. Им изразувам сочувтсво и на водачите на институциите и на сите граѓани на Република Севрна Македонија“, напиша Тачи.
Според грчката новинска агенција АНА-МПА, веднаш по несреќата, алтернативниот министер за надворешни работи на Грција, Јоргос Катругалос му се јавил на министерот Никола Димитров за да изрази сочувство и поддршка во тешките моменти за земјата.
