Таткото го бара својот син Седат Реџепи повеќе од 15 часа. Тој бил во автобусот кој вчера излетал од патот и се превртел, пишува TV21.
Овој очаен татко бил во сите болници, но во ниедна не го пронашол својот син. Тој моли за било каква помош или информација која би му помогнала да го пронајде синот.
Рекол дека не го пронашол името на својот син Седат меѓу списокот на загинати, но дека не може да го пронајде во ниедна болница, а и никаде не може да дојде до информација што би можело да се случи со неговиот син, пишува TV21.
Седат се враќал од работа кога автобусот кој одел кон Гостивар се превртел во околу 16 часот.
