Од понеделникот кога во 20 часот од радарот исчезнал авионот во кој бил Емилијано Сала, трае потрагата по уругвајскиот фудбалер. Тој бил на пат кон Велс каде требало да им се приклучи на новите соиграчи во Кардиф, клуб со кој потпишал договор вреден 17 милиони евра.
Уште еден фудбалер од Уругвај, Диего Ролан, во меѓувреме открил дека Сала од авионот им пратил порака на своите пријатели, во која навел дека е исплашен.
"Поздрав мали браќа, како сте? Луѓе, мртов изморен сум. Бев во Нант и само трчав, трчав, трчав...И никако да престане. Сега сум во авион кој изгледа како да ќе се распадне. Одам во Кардиф, лудо. Утре ме чека нов почеток, попладне имам прв тренинг со новата екипа, соиграчите...Ќе видиме што ќе се случи. Како сте вие браќа и сестри? Ако не слушнете од мене за час и половина, не знам дали ќе пратат некој да ме најде, бидејќи тешко дека ме најде. Луѓе, многу се плашам", напишал Сала.
'I am getting scared' - Emiliano Sala sent fearful messages to friends while aboard missing plane https://t.co/lPL7Mb8mkD pic.twitter.com/jUpry02noR
— GOAL Africa (@GOALAfrica) January 23, 2019
Авионот исчезнал во моментот кога го прелетувал Ламанш додека летал на висина од 1.500 метри, а потрагата била сопрена вчера вечерта поради лошата видливост, а ќе продолжи денес.
