Најмалку 15 луѓе биле убиени во нападот на сомалиските исламисти на хотелски комплекс во Најроби, рекле денес извори од кениската полиција додека операцијата во нападнатиот хотел влегува во вториот ден.
"Мислиме дека два или три напаѓачи уште се наоѓаат на одредени места", рекол еден полицаец кој се наоѓа на лице место. Тој полицаец го изнел и бројот на жртви, меѓу кои има и странци.
Друг извор го потврдил бројот на настрадани и додал дека силите за безбедност уште не дошле до некои делови на комплексот во кој се наоѓаат хотел, ресторани и деловни простории.
Тој друг извор навел дека напаѓачите се забарикадирале на еден од повисоките катови на една зграда во комплексот, како и дека постои страв дека на тој кат има и други цивили.
Преживеаните на полицајците им рекле дека некои луѓе се обидувале да го избегнат нападот со бегство на повисоките катови.
Kenyan security forces are battling to retake control of an upscale hotel and office complex in Nairobi after gunmen mounted a deadly assault on the compound https://t.co/lYYbixmaEF pic.twitter.com/s9TAJso2Le
— CNN Breaking News (@cnnbrk) January 15, 2019
Утрово и натаму се слушале детонации и истрели, повеќе од 20 часа по почетокот на нападот. Полицијата цела ноќ била на нозе, а неколку часа по полноќ група од најмалку 20 луѓе успеале да го напуштат комплексот.
Нападот, за кој одговорност преземала сомалиската џихадистичка група ал-Шабаб, почнал со силна експлозија на бомба, а потоа уследил и упад на вооружени луѓе.
#Nairobi The Al-Shabaab Islamist group in Somalia claimed responsibility for the attack, according to the SITE Intelligence Group which monitors jihadist activities. https://t.co/mMa8YrBdPI
— Times LIVE (@TimesLIVE) January 15, 2019
