Влада: Нема опасност од пожар по поплавата во зградата на МРТВ

Макфакс

11/01/2019

14:59

501

Големина на фонт

а а а

Нема опасност од пожар по поплавата што се случи утринава во зградата на МРТВ, поточно во просториите кои ги користи Министерството за внатрешни работи, соопштија од Владата.

„Службата за општи и заеднички работи во целост ја санираше состојбата со поплавените простории во Македонската радио телевизија. Освен исцрпување на водата од просториите и лифтовите, поради претпазливост, во објектот на МРТВ била исклучена и струјата, а биле поставени и вреќи со песок, за да се спречи водата да навлезе во останатиот дел од објектот“, соопштија од таму.

Просториите на вториот кат биле поплавени утринава, поради пукање на хидрант.



Спонзорирани линкови

Маркетинг