Со оглед на тоа дека принцовите Хари и Вилијам одамна се зафатени, на британскиот трон останале уште само неколку посакувани ергени, а еден од нив е младиот Артур Чато. Внукот на британската принцеза Маргарет, сестра на кралицата Елизабета, по многу работи е нетипичен член на монархијата.
Целосното име му е Артур Роберт Натаниел Чато, постар син е на лејди Сара Чато и нејзиниот сопруг Даниел Чато и 25-ти во редот за британската круна. Внук е на принцезата Маргарет и роднина од второ колено на принцовите Вилијам и Хари.
Иако јавноста не обраќала премногу внимание на него, 19-годишниот благородник со својата појава ги полудел социјалните мрежи, на кои понекогаш открива многу повеќе од било кој член на оваа строга монархија.
Мајката на Артур, лејди Сара, е единствено женско дете на принцезата Маргарет и нејзиниот сопруг Дејвид Армстронг Џејмс.
Младиот наследник кој многу веројатно никогаш нема да седне на британскиот трон, го следат млади девојки, на кои освен поради статусот, им е интересен и поради својот изглед.
Артур многу често на социјалните мрежи објавува разголени фотографии на кои до израз доаѓаат неговите мускули, а екстремните спортови му се голема страст. Едно време минал и во морнарицата, а како дете многу често можел да се види со кралицата Елизабета.
