Кинескиот модул за проучување на темната страна на Месечината, “Chang’e-4” успешно слетал, што претставува прва ваква мисија во историјата која е огромен чекор во истражување на вселената, соопштува Централната кинеска телевизија.
“На 3-ти јануари во 10:26 часот по кинеско време (03:26 по средноевропско), вселенскиот брод “Chang’e-4” успешно слета на темната страна на Месечината”, соопштила телевизијата.
What does the far side of the moon look like?
— China Xinhua News (@XHNews) January 3, 2019
China's Chang'e-4 probe gives you the answer.
It landed on the never-visible side of the moon Jan. 3 https://t.co/KVCEhLuHKT pic.twitter.com/BiKjh7Fv22
“Chang’e-4” е вселенски модул кој се состои од стационарна лунарна станица и лунарен ровер. Тој беше успешно лансиран на 7-ми декември од космодромот “Сичан” во југозападната кинеска провинција Сичуан.
Кинеската лунарна мисија е наречена по митската божица на Месечината и вклучува три фази: орбитирање, слетување и враќање на Земјата. Првата и втората фаза веќе се успешно изведени.
China's Chang'E-4 probe landed on the farside of the moon about one hour ago. Congratulations!
— Siyuan (@siyuan0zhao) January 3, 2019
The video shows the landing sequence of the Chang'E-3 probe. pic.twitter.com/Zg3KMkxrF2
Темната страна на Месечината не е видлива од Земјата. Со оглед дека месечевиот период на ротација околу Земјата и ротацијата околу сопствената оска е еднаква, во секој момент може да се набљудува само една Месечева хемисфера. Првата фотографија од темната страна на Месечината е снимена на 7-ми октомври 1959 година од страна на советската станица “Луна 3”, но до денес ниту еден вселенски брод од Земјата не слетал на неа.
