Легендарниот американски теренец доби само една ѕвезда на најновиот тест на безбедност кој го спроведува Euro NCAP.
Jeep ќе сака што поскоро да го заборави неодамнешното тестирање на безбедноста на новиот Wrangler.
Имено, популарниот американски теренец доби само една ѕвезда на тестот за безбедност. Тоа е крајниот резултат од остварените 50% од бодови во сегментот за заштита на возрасни, 69% за заштита на деца, 49% за безбедност на пешаците и 32% за безбедносните асистенции на возилото.
Кој би рекол дека еден така култен модел би можел да оствари толку лоши резултати на тестирањата на Euro NCAP кои што традиционално се најригорозни на светот.
