Пирели отворено размислува за идејата второ менување гуми да биде задолжително, откако стратегијата во однос на пневматиците не беше најдобра оваа сезона.
Во 2018 година преовладуваа трки со едно менување гуми кое се изведуваше откако ќе се направеа многу симулации за тоа која стратегија е најбрза од страна на екипите. Поради едната промена, болидите штедеа гуми, не притискаа до лимитот, тркањето и борбата изостануваа и сите сакаа да изгубат што помалку време во боксовите.
Според Марио Исола, главниот на Пирели моторспорт, компанијата би сакал промена на правилото според која задолжителни би биле две влегувања по гуми. Италијанецот смета дека доколку се наиде на соодветна поддршка, правилото би можело да биде наскоро имплементирано.
„НЕ ЗНАМ ДАЛИ ВТОРО ЗАДОЛЖИТЕЛНО ВЛЕГУВАЊЕ Е ИСПРАВНО ЗАТОА ШТО МОЖЕ ДА СЕ СЛУЧИ СИТЕ ДА ВЛЕЗАТ ВО ИСТИ КРУГ ИЛИ МНОГУ БЛИСКУ ЕДЕН ДО ДРУГ И НА ТОЈ НАЧИН САМО СЕ ПРАВАТ ПОКУСИ, НО ПОБРЗИ СЕРИИ. НА ТОЈ НАЧИН ЌЕ СЕ КОРИСТАТ ПОМЕКИ КОМПОНЕНТИ, НО ВАРИЈАЦИЈА ВО СТРАТЕГИИТЕ ПОВТОРНО ЌЕ ИЗОСТАНЕ.
ТОА НЕ МОРА ДА ЗНАЧИ ДЕКА СОСТОЈБАТА ЌЕ СЕ ВЛОШИ, МОЖЕ ДА БИДЕ И ПОДОБРО, НЕ ЗНАЕМЕ. ПОБАРАВМЕ ОД ЕКИПИТЕ ДА СИМУЛИРААТ НЕШТО ТАКВО ЗА ДА РАЗБЕРЕМЕ КАКО ЌЕ РЕАГИРААТ НА ПРОМЕНА НА ПРАВИЛАТА.
ЗА МЕНЕ ТОА Е ВАЖНА ТЕМА. СЕКОГАШ КОГА ПОСТОИ НЕКОЈА ИДЕЈА КОЈА ТРЕБА ДА СЕ ИМПЛЕМЕНТИРА ДОБРО Е ДА СЕ ОБРАТИТЕ ДО ЕКИПИТЕ ЗА ДА НАПРАВАТ СИМУЛАЦИЈА ЗА НАДОБРО ДА ВИДИМЕ ШТО МОЖЕ ДА СЕ СЛУЧИ. ОВА ПОРАДИ ТОА ШТО НЕКОГАШ ВЕРУВАМЕ ДЕКА ИМАМЕ ДОБРА ИДЕЈА, НО ВО РЕАЛНОСТ НЕ Е ТАКА“, СМЕТА ИСОЛА.