Тимскиот шеф на Мерцедес, Тото Волф, изјави дека “сребрените стрели“ и Луис Хамилтон немале да ја завршат 2018 година со толкав успех доколку не бил Валтери Ботас во екипата, иако финецот не успеа да победи на ниту една трка.
Валтери стана само 3от возач во 21от век што не успеа да победи на трка возејќи шампионски болид и призна дека сезоната била за заборав, веднаш по крајот на трката во Абу Даби.
Ботас беше одличен на почетокот во Кина и Азербејџан каде да не му се дупнеше гума сигурно ќе победеше затоа што водеше на неколку кругови пред крајот на трката. Подоцна следуваше Русија кога му беше наредено да го пропушти Луис Хамилтон и да го заштитува од налетите на Себастијан Фетел.
Следната година финецот ќе биде под засилен притисок со оглед на тоа што резерва ќе биде Естебан Окон, кој будно ќе ја следи разврската надеваќи се дека од 2020 година ќе вози за фабричката екипата.
„НЕМАШЕ ДА ГИ ОСВОИМЕ ВОЗАЧКАТА И КОНСТРУКТОРСКАТА ТИТУЛА БЕЗ ВАЛТЕРИ. ТОЈ, ИАКО ИМАШЕ И МНОГУ ЛОША СРЕЌА ВО ТЕКОТ НА ГОДИНАТА, НИКОГАШ НЕ ГО ЗАГУБИ ПОЗИТИВНИОТ ДУХ И ВЕРБА ВО ОРГАНИЗАЦИЈАТА. СЕКОГАШ БЕШЕ СПОСОБЕН ДА ГО ОДРАБОТИ ТОА ШТО ОД НЕГО СЕ БАРА.
ГЛЕДАТЕ НЕКОИ ВОЗАЧИ КОЈ ГО ГУБАТ МОТИВОТ И ВЕРБАТА И ЦЕЛАТА ЕКИПА ПРОПАЃА ОДЕДНАШ. СЕ СТАНУВА НЕГАТИВНО И ДИСФУНКЦИОНАЛНО. ВАЛТЕРИ ДО САМИОТ КРАЈ БЕШЕ КРАЈНО ПОЗИТИВЕН“, ОБЈАСНИ ВОЛФ.