Фудбалерите на Олимпијакос синоќа ги шокираа гостите од Италија и со победа од 3:1 се пласираа во нокаут фазата од Лига Европа.
Милан со вчерашниот пораз беше елиминиран во групната фаза во некое европско натпреварување за прв пат од 2000-та година, па јасно е дека тренерот Џенаро Гатузо беше огорчен.
„Многу сме разочарани, но овој натпревар буквално им го подаривме на Олимпијакос. Цело време игравме лошо, противникот беше подобар и нема оправдување за испаѓањето. Жал ми е за милиони наши навивачи кои што се тажни“, изјави Гатузо и додаде:
„Морам да кажам дека и судијата донесе некои одлуки кои се многу дискутабилни, но и атмосферата на стадионот беше пеколна. Не се снајдовме, но тоа не смее да биде нашиот изговор. Често изгледаме како екипа која што нема доволно самодоверба и одлучност. Иритантно е тоа што ги направивме истите грешки како минатата сезона против Арсенал, но и натаму тврдам дека сме посилен тим од Олимпијакос“, изјави Гатузо.
