Главниот извршен директор на Мекларен, Зек Браун, верува дека екипата е на вистинскиот пат за опоравување од неколкуте очајни сезони во Формула 1 кои ги преживеаа.
Тие го променија доставувачот на мотори за оваа сезона, но јасно е дека болидот имаше проблеми и дека беа далеку од онаму каде што планираа. Сепак, Зек е оптимист за 2019 година сметајќи дека проблемите се осознаени и ќе се решат на следниот болид од Вокинг.
„МИСЛАМ ДЕКА СЕ НАОЃАМЕ НА ПАТОТ ЗА ОПОРАВУВАЊЕ КАКО ШТО САКАМ ДА ИМ КАЖУВАМ НА СИТЕ ВО МЕКЛАРЕН, ПРВО ЌЕ ПОЧНЕМЕ ДА СЕ ЧУВСТВУВАМЕ ДОБРО, А ПОТОА СИТЕ ЌЕ ГО ВИДИМЕ ТОА НА ПАТЕКАТА. ПРАВИМЕ ОДЛИЧНА РАБОТА ВО МОМЕНТОВ, НО ДОДЕКА НЕ ГО ВИДИТЕ БОЛИДОТ НА ПАТЕКАТА, СО СРАБОТЕНОТО ЌЕ СЕ ГОРДЕЕМЕ САМО НИЕ ВО МЕКЛАРЕН.
РАЗВОЈОТ СЕ ОДВИВА ОДЛИЧНО, ИМА ТИМСКА РАБОТА, СОРАБОТКА, КОМУНИКАЦИЈА, ОДГОВОРНОСТ, СИТЕ ТИЕ РАБОТИ СЕ ОДЛИЧНИ, НО ДОДЕКА БОЛИДОТ НЕ ДОЈДЕ НА ПАТЕКАТА КАДЕ СЕ ЌЕ БИДЕ ВИДЛИВО, НИКОЈ НЕМА ДА МОЖЕ ДА ЗНАЕ ДЕКА ЈА ГОВОРАМ ВИСТИНАТА.
СМЕТАМ ДЕКА ГОДИНАВА ГО ДОСТИГНАВМЕ ДНОТО ВО ИСТОРИЈАТА И РАБОТИМЕ НАПОРНО ДА СЕ ВРАТИМЕ КАДЕ ШТО ТРЕБА, НО ЗА ТОА Е ПОТРЕБНО ВРЕМЕ“, ОБЈАСНИ БРАУН ЗА ОФИЦИЈАЛНИОТ САЈТ НА ФОРМУЛА 1.
Промената на доставувачот на мотори од Хонда на Рено сеуште не донело успех во екипата, но Браун е задоволен што нивниот однос со доставувачот на мотори е одличен.
„СРЕЌНИ СМЕ И МНОГУ ЗАДОВОЛНИ СО РЕНО, ИМАМЕ ОДЛИЧЕН ОДНОС СО НИВ, А ВО АБУ ДАБИ ГО ДОБИВ И ИЗВЕШТАЈОТ ОД НИВ ВО ВРСКА СО НАПРЕДОКОТ НА СЛЕДНИОТ МОТОР ЗА 2019 ГОДИНА И ПОРАДИ ТОА СУМ МНОГУ ОХРАБРЕН.
НИ ДАДОА ДОБАР И ИЗДРЖЛИВ МОТОР ГОДИНАВА ТАКА ШТО СМЕ ЗАДОВОЛЕНИ СО ОДЛУКИТЕ КОИ ГИ ДОНЕЛЕ ЗА СЛЕДНАТА ГОДИНА, ЌЕ ПОВТОРАМ СРЕЌНИ СМЕ СО НИВ.
МИСЛАМ ДЕКА ЌЕ ИАММЕ КОРИСТ ОД ТОА ШТО ЌЕ ИМА САМО ДВЕ ЕКИПИ НА ГРИДОТ СО РЕНО МОТОР ДОГОДИНА, ТАКА ШТО ЌЕ СЕ ФОКУСИРААТ САМО НА СЕБЕ И НА НАС. САКАМЕ ДОЛГОРОЧНА ИДНИНА СО РЕНО“, ЗАВРШИ ЗЕК.
