Украинското собрание одлучило дека нема да го продолжи Договорот за пријателство и соработка со Русија по 1-ви април 2019-та година. Документот на заседанието денес го поддржале 227 пратеници, каде е потребен минимум од 226 гласови.
Претседателот на Украина, Петро Порошенко, во понеделникот на парламентот му го предал нацрт законот за раскинување на договорот.
Порошенко во септември одобрил стапување на сила на одлуката на Советот за национална безбедност и одбрана за раскин на договорот. Притоа се објаснувало дека не станува збор за откажување, туку за решение да не се продолжува. Во случај на почитување на сите процедури, договорот престанува да важи од 1-ви април 2019-та година.
Припинення дії Договору про дружбу з Росією: Рада ухвалила історичне рішення #UKROPNEWS https://t.co/H7hUckbrJw
— Сумний бобер (@RussBars) December 6, 2018
Советот исто така и дал дозвола на украинската воена морнарица без предупредување да пука и да одбие инвазија и напад на украински бродови. Овој закон стапува на сила ден по објавувањето.
Москва овој потег го нарекла деструктивен чекор и изразила жалење во врска со оваа одлука.
Русија и Украина во 1997-ма година потпишале договор за пријателство, соработка и партнерство. Договорот обезбедил стратешко партнерство на страните на "основа на принципот на взаемно почитување, суверена еднаквост, територијален интегритет, неповредливост на границите, мирно решавање на спорови, неупотреба на сила или закана со сила, вклучувајќи и економски и други методи на притисок". Периодот на важење е 10 години, по што следи автоматско продолжување, освен ако двете страни не бидат против тоа.
Рада разрешила Морской охране ГПСУ стрелять без предупрежденияhttps://t.co/FWsLM3oGXw
— Сила Слова (@bbcccnn) December 6, 2018