Кризниот штаб против промена на Уставот, зад кој стои партијата на Јанко Бачев „Единствена Македонија“ започна со протестите пред Собранието.
Пред законодавниот дом ечат патриотски песни, а собраните облечени во „жолти елеци“, бараат распуштање на власта. Тие ја интонираа македонската химна и порачаа дека ќе ја дочекаат и Новата Година тука и ќе постават шатори.
Ја критикуваа двојната ограда што беше поставена на булеварот пред Собранието, а кажаа и дека била исклучена струјата.
„Се уклучивме на ГТЦ но и од таму ни ја исклучија струјата. Отидовме во продавница купивме агрегат и сега имаме струја да зборуваме на говорница“, кажаа на протестот пред Собранието.
Околу Законодавниот дом се распоредени припадниците на полицијата, додека внатре се води дебатата за Уставните амандмани.