Еден Азар одлучи да остане во Челси наспроти сите шпекулации кои го поврзуваа со сензационален трансфер во Реал Мадрид, а тоа ги израдува сите навивачите на лондонскиот клуб, вклучувајќи ги и самите соиграчи со кои ја дели соблекувалната.
Оливие Жиру во неколку наврати има порачано дека играњето со Азар во ист тим е вистинско уживање, од едноставна причина што неговиот стил на игра маестрално се надополнува со оној кој го практикува брзоногиот белгиски фудбалер.
И самиот Азар истакна дека за неговиот стил на игра посебно одговара напаѓач како Жиру, а сега Французинот откри каква била неговата прва реакција кога за првпат го видел Еден на тренингот во Челси.
– Кога за првпат го видов Еден Азар на тренингот на Челси, мојата реакција беше „еб. се“. Едноставно претешко е да му се одземе топката. Понекогаш е опколен со двајца или тројца играчи околу себе, но секогаш пронаоѓа начин како да избега од таква ситуација. Тој е импресивен и најдобриот збор со кој може да се опише е „магионичар“, – порачува Жиро во интервјуто за „Ле Фигаро“.
