Неколку министри поднеле денес оставки во британската влада, во знак на протест поради договорот на премиерката Тереза Меј со Брисел за излегување на Велика Британија од Европската унија.
Тереза Меј во парламентот го брани договорот, а пратениците и се смееле посебно кога кажала дека финалниот договор и овозможува на Британија "лесно и по прописи да ја напушти Унијата" до март 2019. година.
Прв оставка поднел министерот за Брегзит, Доминик Раб, во знак на протест поради договорот на премиерката Меј за излегување од Европската унија, истакнувајќи дека "совеста не му дозволува" да го поддржи нацртот на тој договор.
Во рок од само неколку часа, оставка поднеле и министерката за работа и пензии Естер Маквеј, пратеничката во владејачката Конзервативна партија и помошничка на министерот за образование Ан-Мари Тревелијан, и државната министерка во Министерството за Брегзит, Суела Брејверман.
Сите своите оставки ги образложиле со незадоволство и загриженост поради нацрт договорот за Брегзит на премиерката.
"Утрово ја информирав премиерката дека ја напуштам нејзината влада", напишала Маквеј на Твиер.
Earlier this morning I informed the Prime Minister I was resigning from her Cabinet pic.twitter.com/ZeBkL5n2xH
— Esther McVey (@EstherMcVey1) November 15, 2018
И Шејлиш Вара, министер за Северна Ирска, поднел оставка поради нацрт договорот за Брегзит.
Фунтата утрово паднала на Лондонската берза за повеќе од 1,0 проценти наспроти доларот и еврото, а цените на акциите паднале по веста дека британскиот министер за Брегзит, Доминик Раб, поднел оставка.
Британската валута на многу волатилното тргување паднала за еден процент во однос на доларот, на 1.2849 долари, и за 1,3 проценти во однос на еврото, на 88,23 пенија, јавува "Reuters".
With much sadness and regret I have submitted my letter of resignation as a Northern Ireland Minister to the Prime Minister. A copy of my letter is attached.
— Shailesh Vara MP (@ShaileshVara) November 15, 2018
It has been a joy and privilege to serve in the Northern Ireland Office and I will always cherish the fondest memories. pic.twitter.com/SN8j4OwhYD
Тереза Меј вчера објавила дека по петчасовен состанок обезбедила поддршка од владата кога станува збор за состанокот.
Европската комисија и Велика Британија постигнале вчера договор за условите на Членот 50 кој се однесува на Договорот за повлекување, соопштено било од Европската комисија.