Германската политичарка Дорис Пак по средбата со лидерот на ВМРО-ДПМНЕ, Христијан Мицкоски, во Хелсинки каде се одржува Конгресот на ЕПП, напиша дека Европската народна партија (ЕПП) не смее да го толерира однесувањето на ВМРО-ДПМНЕ кон осумтемина пратеници кои гласаа за почнување на процесот за промена на Уставот.
„Неприфатливо е осумтемина пратеници од ВМРО кои гласаа за договорот со Грција и за европска иднина на земјата сега да се соочуваат со закани и да се третираат како криминалци. ЕПП не смее да го толерира тоа“, напиша Пак, која е и претседател на асоцијацијата на жени на ЕПП.
mit #VMRO Parteivorsitzenden #Mitzkovski https://t.co/uNJ9JhV9Sk ist nicht hinnehmbar,dass 8 MPs der VRMO,die für Abkommen mit Griechenland stimmten,-d.h. für die europ.Zukunft des Landes-, jetzt bedroht+als kriminell beschimpft werden.EVP darf das nicht dulden!!
— Doris Pack (@pack_doris) November 7, 2018
Мицкоски вчера се сретна и со еврокомесарот Јоханес Хан, кој на „Твитер“ напиша дека бил кристално јасен дека ратификацијата на договорот од Преспа мора да се финализира без никакви пречки.
„Корисен разговор со лидерот на ВМРО-ДПМНЕ, Мицкоски. Бев кристално јасен дека ратификацијата на договорот од Преспа мора да се финализира бргу и без никакви пречки. Ја поздравувам неговата посветеност да не го опструира процесот во Собранието. На евроинтеграциите им е потребна лојална опозиција“, напиша еврокомесарот.