Видео-снимката на која ученик и се заканува на наставничка со пиштол, за која се воспоставило дека е играчка, ја згорзила француската јавност.
Инцидентот се случил во училиште во југоисточното предградие на Франција, а на снимката јасно се гледа како ученик држи пиштол над нејзината глава, додека друг ученик во позадина кон камерата покажува среден прст.
Иако наставничката изгледала смирено, и иако станувало збор за играчка, се гледа дека не и е сеедно. Кога видеото се проширило на интернет, јавноста коментирала како се надева дека 16-годишното момче ќе добие соодветна казна.
Le calme de cette enseignante braquée en plein cours par un élève et l’absence de signalement et de plainte immédiate par l’établissement scolaire à la suite de ce comportement suggère que ce type d’incidents est régulier. Qui cela étonne-t-il encore ? MLP #Créteil pic.twitter.com/xv9WtxD7ZD
— Marine Le Pen (@MLP_officiel) October 21, 2018
Целиот случај го прокоментирал и претседателот на Франција, Емануел Макрон, кој рекол дека инцидентот е "неприфатлив".
Овој случај предизвикал лавина од коментари кои укажуваат на тоа дека професорите секојдневно се соочуваат со насилство во училиштата од страна на ученици и бараат од властите да преземат соодветни мерки за ваквите случаи да се спречат во иднина.
