Германскиот министер за надворешни работи, Хајко Мас, вели дека Германија не треба да одобри продажба на оружје за Саудиска Арабија до крајот на истрагата за смртта на новинарот Џемал Кашоги, објави Ројтерс.
Мас во интервју за германскиот јавен радиодифузер посочува дека нема причина да ја одобри продажбата сѐ додека сè уште не е јасно што се случило со Кашоги, кој на 2 октомври влезе во конзулатот на Саудиска Арабија во Истанбул и каде според истрага на саудиските власти, тој починал како последица на тепачка која настанала во конзулатот и поради која се уапсени 18 лица.
