Кендал Џенер се исплашила за својата безбедност откако на нејзиниот имот провалил 37-годишниот Канаѓанец Џон Форд.
Форд ја следел манекенката, провалил на нејзиниот имот и седел покрај базенот, по што бил уапсен во вторникот а веќе следниот ден бил пуштен на слобода откако било воочено дека тој е психички стабилен.
Прогонувачот го прекршил налогот за забрането приоѓање, по што во четвртокот бил повторно уапсен и обвинет по што му се закануваат до шест месеци затвор. Одредена му е кауција од 30 илјади долари.
Како што пишуваат странските медиуми, Кендал ги засилила мерките за безбедност на својот имот. Таа се огласила и на Твитер и била бесна бидејќи медиумите ја објавиле нејзината точна адреса, сметајќи дека со тоа потполно ѝ ја загрозуваат безбедноста.
"Разбирам на што се согласив, но кога објавувате точна локација од мојот дом, ми го доведувате животот во опасност. Вашиот дом е вашето сигурно засолниште, но моето, поради таквите како вас, стана се' освен тоа. Засрамете се", напишала Кендал.
i understand what i’ve signed up for but when you release the exact location to where i live THAT is when you’re putting my life in danger. your home is your safe haven, but for me, cuz of outlets like you, my home is anything BUT. you should be ashamed of yourself. https://t.co/Y1oglJsHck
— Kendall (@KendallJenner) October 18, 2018
"И како мислите дека ваквите типови знаат каде живеам? Затоа што објавувате не само фотографии, туку и мојата адреса. Зарем не би требало тоа да е единствената приватна работа која ја имаме?", напишала бесната Џенер.
and how do you guys think these terrifying people know where my house is? cuz you release not only photos but my location. it is so beyond unsafe. is this not our one ounce of privacy we can get??? .... https://t.co/Y1oglJsHck
— Kendall (@KendallJenner) October 18, 2018
