Претседателот на САД, Доналд Трамп изјави дека „навистина се чини“ дека исчезнатиот саудиски новинар Џамал Кашоги е мртов.
Американскиот претседател порача дека последиците по Саудијците „мора да бидат многу остри“ ако се докаже дека тие го убиле новинарот. Трамп претходно предупреди дека Саудиска Арабија ќе се соочи со „тешка казна“ доколку се утврди дека Ријад стои зад убиството на новинарот во конзулатот во Истанбул.
Државниот секретар на САД, Мајк Помпео во текот на вчерашниот ден го запознал Трамп со резултатите од посетата на Саудиска Арабија каде што беше пред два дена со цел да разговара со саудиските власти за исчезнувањето на новинарот.
BREAKING: Asked if journalist Jamal Khashoggi is dead, President Trump says, "It certainly looks that way to me." pic.twitter.com/ZMadbuhG9W
— MSNBC (@MSNBC) October 18, 2018
Американските власти соопштија дека на Саудијците „им даваат неколку дена“ да го расветлат исчезнувањето на новинарот Џамал Кашоги на кој што му се губи трагата од 2-ри октомври кога за последен пат е забележан како влегува во зградата на саудискиот конзулат во Истанбул.
„Треба да им оставиме уште неколку дена за да ја спроведат истрагата“, изјави Помпео после состанокот со Трамп по неговото враќање од Ријад.
"It will have to be very severe," Trump said of the potential consequences for Saudi Arabia following the investigation into the disappearance and alleged death of Jamal Khashoggi.
— POLITICO (@politico) October 18, 2018
"I mean it's bad, bad stuff, but we'll see what happens," Trump said. pic.twitter.com/9niLLIukBJ
Турските власти откриваат дека новинарот е убиен и дека неговото тело било распарчено во конзулатот на Саудиска Арабија, додека пак саудиските власти негираат било каква вмешаност во евентуално убиство, иако јасно е дека Кашоги влегува во конзулатот, а нема докази и дека си заминал од зградата.
Инаку, Турција и Саудиска Арабија водат одвоени истраги околу случајот со исчезнатиот новинар, додека целиот свет го очекува епилогот.